Англиската супер-ѕвезда е избрана за амбасадор на фудбалот во Кина во надеж дека ќе помогне во промоција на витешките елементи на таа игра.

Кинеските претставници на фудбалот се обидуваат да го спасат истиот од канцерогени елементи како наместување на утакмици и егзодус на големи ѕвезди.

Во таа цел се одлучиле за помош да се обратат до мегаѕвездата Дејвид Бекам, кој однеодамна е фудбалер на Пари Сен-Жермен. Го избрале за свој прв глобален амбасадор на фудбалот.

Англичанецот е почестен.

„Навистина ми е чест што сум замолен да одиграм толку важна улога во овој посебен момент во историјата на кинескиот фудбал. Возбуден сум што ќе учествувам во промоција на најважната игра во Кина, каде лично се уверив дека фудбалот е се попопуларен“, наведе Бекам во пишана изјава.