Најмалку 36 луѓе загинале вчера во пад на патнички авион на исток во Демократската Република Конго, изјавил локален претставник.
Во авионот „фокер“ имало 40 луѓе од кои четири го преживеале падот, кажал градоначалникот на Гома, Насон Кубуја.
Авионот летал од местото Лоџа на исток кон средишниот дел на земјата, а паднал во ценарот на Гома, но на земјата нема повредени.
„Пилотот успеал да ги избегне куќите. Тоа е страшна несреќа. Градот Гома стана поле на несреќа. Сочувствуваме во болката на семејствата на загинатите“, рече Кубуја.
