Таткото на една тринаесет годишна девојка во Белфаст барал од судот да го присили Facebook да ги „преземе сите неопходни мерки“ за неговата ќерка да нема пристап до нејзиниот профил.

Родителот се обратил до судот кога дознал дека неговата ќерка поставила некои свои разголени фотографии на Facebook и воспоставила контакти со постари мажи.

Од социјалната мрежа навеле дека тие немаат моќ да ја спречат тинејџерката да ги користи нивните услуги затоа што таа секогаш може да креира безброј нови профили или да му пристапи на сајтот од други уреди.

Отфрлувајќи го барањето на таткото како неизводливо, судијата на Високиот суд во Белфаст истакнал дека Facebook создал „чудовиште кое е невозможно да се контролира“.

Според Telegraph, случајот ја илустрира грижата на многу родители поради слабата контрола и системот на надгледување на повеќе од една милијарда корисници на Facebook.