Рускиот претседател Владимир Путин и понатаму ја ужива поддршката од две третини од нацијата, година откако победи на претседателските избори во 2012 година, покажаа резултатите на истражувањето на агенцијата VTsIOM.

Резултатите од анкетата ги соопшти денеска генералниот директор на агенцијата VTsIOM, Валериј Фјодров, кој кажал дека популарноста на Путин и понатаму е висока и дека нема знаци на ослабнатост.

Тој оваа поддршка ја препишал на фактот дека рускиот лидер останал посветен на ветувањата кои ги дал за време на предизборната кампања.

Фјодров нагласи дека руската јавност ги поздравила антикорупциските напори и социјалната програма, но дека растечката невработеност и понатаму е камен на сопнување во политиката на претседателот.