Шкотскиот кардинал Кит О’Брајан, до скоро највисокиот претставник на Римокатоличката црква во Велика Британија, призна дека направил сексуален престап, чија природа не ја објасни, но вети дека повеќе „нема да биде дел“ од јавниот живот на црквата.

Кардиналот О’Брајан минатиот понеделник поднесе оставка на функцијата надбискуп на Сент Едрјус и Единбург бидејќи еден весник објави дека другите свештеници го обвиниле за недостојно однесување.

О’Брајан во почетокот ги отфрлуваше обвинувањата и тврдеше дека се повлекува затоа што не сака да свртува внимание од конклавата на која треба да се избере нов папа откако Бенедикт XVI поднесе оставка.

Црквата на Шкотска меѓутоа соопшти дека вистинската причина за одлуката на О’Брајан, пренесувајќи ги неговите зборови: „Се случуваше моето сексуално однесување да биде под нивото кое се очекува од мене како свештеник, надбискуп и кардинал.“