Но, не затоа што мама и тато се строги, туку затоа што правилата на шопинг центарот го наложуваат тоа.

Шопинг центар во Австралија „забранил“ деца кои се прегласни, палави и прават врева и хаос. Управата на „Ди Вај Гренд“ центарот истакнала натписи на кои родителите се предупредуваат дека „бесните“ деца нема да бидат толерирани.

На ѕидовите на центарот во Сиднеј се истакнати натписи „Стоп! Родители, имајте на ум дека не сте сами. Децата кои урлаат нема да бидат толерирани во овој центар.“

Проблемот настанал околу делот во центарот во кој има ресторани и кафулиња, а во близина на кои се наоѓа игралница за деца.

„Луѓето заслужуваат да каснат нешто на мира, или да испијат шолја чај без да мораат да се засркнуваат секогаш кога некое дете ќе заурла“, неумолива е управата.

Менаџерката Бренда Малкехи кажала за австралискиот печат дека рестораните се празни и дека дури и персоналот избегнува да јаде таму, затоа што децата се неподносливи.