Затоа што на тој начин кинеските еколошки власти сакаат да го намалат големото загадување на воздухот во густо населените градски подрачја.

Правењето скара би требало да биде строго контролирано во градовите, за да се намалат емисиите загадувачи, се наведува во нацртот на техничкиот водич кој порано овој месец го објави кинеското министерство за екологија.

Во нацртот на поголемите градови им се препорачува усвојување на закон со кој се забранува правењето скара.

Неименуваниот претставник на министерството за екологија повикал јавноста да се воздржи од правење скара во градовите и да се намали трошокот на енергија во процесот на готвење.

Атмосферското загадување во кинеските метрополи предизвикува согорување на јагленот за потреба на индустријата и термоцентралите, како и издувните гасови во патниот сообраќај.

Министерството последниот пат загадувањето му го препиша на дочекот на кинеската Нова година и празникот „Пролетен фестивал“, за време на кој традиционално се употребуваат мноштво петарди и огномети.