Еден од најбогатите луѓе во Австралија, Клајв Палмер планира да изгради нова верзија на Titanic. Првата пловидба е планирана за 2016 година, а наводно веќе има заинтересирани за крстарењето.

Австралискиот милијардер кој планира на кинеското бродоградилиште да изгради високотехнолошка копија на Titanic вели дека огромен број луѓе се заинтересирани да бидат првите патници на овој брод.

Претставниците на Клавј Палмер, кој во април најави прелиминарен договор со кинеското државно бродоградилиште CSC Jinling за изградба на Titanic II, соопштиле дека во неговата компанија за производство на бродови се јавиле огромен број луѓе од САД, Велика Британија, Азија и Јужна Америка.

Интересирањето е толку големо што веќе дест луѓе нудат над милион долари за првото патување со Titanic планирано за 2016 година, вели Џејмс Мекдоналд, директор на маркетинг компанијата Blue Star Line.

Заинтересираноста е голема, иако изградбата на бродот уште не е ни почната. Преставниците на Blue Star велат дека се надеваат дека тоа е знак дека наскоро ќе биде потпишан конечен договор со CSC Jinling чие седиште е во провинцијата Џијангс. Тие не сакале да кажат колку Titanic II ќе чини.

Titanic бил најголемиот и најлуксузниот прекуокеански брод кога на 15 април 1912 година се судрил со санта лед во северниот Атлантик и потонал. Повеќе од 1.500 луѓе загинале.

Палмер кажал дека новиот брод ќе биде исто толку луксузен како и оригиналнот, но дека ќе има вградена најнова навигациона и безбедносна технологија. На дизајнерите ќе им помага тим за историски истражувања затоа што бродот треба што повеќе да личи на оригиналот.