Грчката ултра десничарска партија Златна зора почнала да држи часови по грчка историја за основци во една од своите канцеларии.

Оваа партија најави дека ќе продолжи да држи курсеви по „национално будење“ за своите „мали пријатели“.

Владата и умерените партии го осудиле тој чекор на Златна зора, која одбива да ја сметаат за неонацистичка партија, но е склона кон нацистичка литература. Таа странка исто така често е обвинувана за напади на имигранти.

Часовите почнале минатата недела со ученици чии родители ја прифатиле поканата децата да ги носат во една канцеларија на таа странка во градче покрај Атина.

Министерството за образование соопштило дека ниту една партија нема право да „манипулира“ со децата.

Главната опозициона радикално левичарска странка Сириза ја обвини Златна зора „дека го пере мозокот на малите со нацистичка пропаганда“.