Аленка Братушек, која е специјалист за буџетските прашања, но нема искуство во политиката, на 42 години стана првата жена премиер на Словенија од прогласувањето на независноста на земјата во 1991 година по распадот на Југославија...

Таа влезе во политичкиот живот пред помалку од две години, до градоначалникот на Љубљана Зоран Јанковиќ во партија Позитивна Словенија, која беше формирана за предвремените парламентарни избори во декември 2011 година.

Сега таа има задачата да состави нова влада до 14 март откако словенечкиот парламент изгласа недоверба на десноцентристичката влада на Јанез Јанша. "Не беше лесно решение да се впуштам во политиката, тоа не е многу почитувана професија. Се надевам и мислам дека ние ќе успееме да го подобриме овој имиџ", рече таа на интернет страницата на "Позитивна Словенија".

Таа го смени својот ментор Зоран Јанковиќ, од функцијата на чело на Позитивна Словенија, откако самиот тој се најде на разгледување на Комисијата за борба против корупцијата во јануари. Клучен предизвик за неа како премиер е да постигне согласност помеѓу словенечките политички партии за да формира влада. Она што Зоран Јанковиќ не успеа да го направи на почетокот на 2012 година, оставајќи ја грижата да формира влада на својот противник Јанез Јанша.