Неколку луѓе денеска се убиени и тешко ранети во пукање во фабрика за преработка на дрво недалеку од швајцарскиот град Луцерн, соопштила полицијата.

Инцидентот се случил во погон на компанијата „Кроноспан“, во местото Мензанау, а на лице место стигнале екипи за брза помош.

Локалните медиуми пренеле дека пукањето почнало околу 9.00 часот и дека во фабриката стигнале три хеликоптери. Веднаш е отворена телефонска линија за семејствата на вработените во овој погон.

Швајцарија спаѓа меѓу водечките земји во светот по количината на оружје што ја поседуваат нејзините граѓани, но стапката на вооружен криминал е релативно ниска.