Млад вљубен пар Кинези се соблекол до гола кожа протестирајќи поради забраната на нивните родители да не се гледаат.

Вљубениот пар во провинцијата Гуангзоа предизвикал вистински метеж на сообраќајниот пат. Младичот и девојката се соблекле „до гола кожа“ и се заканувале дека ќе се фрлат под некој автомобил. Тие на тој чекор се одлучиле затоа што родителите им бранеле да се гледаат.

„Нашите родители велат дека не можеме да бидеме заедно, а ние сакавме да му покажеме на целиот свет дека немаме што да криеме“, вели вљубениот пар, кој во страстна прегратка, целосно гол, стоеше на сообраќајната улица дури два часа.

Тврделе дека „нема да се тргнат од таму се додека сите не видат колку си значат еден на друг и додека не ги уверат сите дека родителите никогаш нема да ги разделат.“

Како што објасниле од полицијата, тие го пуштиле парот „гологаз“ да стои на мостот дури два часа затоа што се надевале дека студениот ветер ќе ја излади нивната страст и ќе ги одврати од лудоријата. Сепак, како што велат, имале голем проблем со регулирање на сообраќајот, посебно со моторите, кои се обидувале да се приближат поблиску и да ги видат.

Во Кина протестите на сообраќајни улици и мостови не се реткост, но прикажувањето на голо тело во јавноста се смета за скандал.