Колбас долг 2.029 метри и тежок 2.300 килограми, произведен во Турија кај Србобрана, од денеска и официјално се наоѓа во Гинисовата книга на рекорди како најдолг и најтежок колбас на светот.

Претставниците од Гинис го запишале овој колбас во книгата на светски рекроди на „Колбасијадата“ во Турија која моментално се одржува.

„Вистинска чест е да се најдеме во Гинисовата книга. Сите овде сме пресреќни и горди затоа што, освен што нашиот колбас е најдолг и најтежок, тој сигурно е и највкусниот колбас на светот, во што се уверија и претставниците на Гинис. Колбасот веќе се продава на метар по цена од 500 динари и оди како алва“, вели претседателот на Организациониот одбор на „Колбасијдата“, Мирослав Медурич.

Тој наведува дека влегувањето на туријскиот колбас во Гинисовата книга во рекорди има огромно значење за Србија.

„Значењето на влегувањето на нашиот колбас во таа единствена книга има огромно туристичко и економско значење не смо за Турија односно србобранскиот крај, туку и за Војводина, па и за целата Србија. Едноставно, денеска светот по Гинис се познава“, заклучи Мирослав Мдурич.

Традоционалната „Колбасијада“ почна вчера, на 22 февруари, а ќе заврши утре, на 24 февруари.

Медурич порано кажа дека спонзорите на „Колбасијадата“ издвоиле 8.500 евра за запишување на колбасот во Гинисовата книга на рекорди.