Реално натпреварување инспирирано од книгите и филмот „Игрите на гладните“ пристигнува на американската телевизија.

Ако сте ги читале книгите или сте го гледале „Игрите на гладните“, знаете дека во прашање е тинејџерска верзија на гладијатори - натпреварувачите избрани на јавна лотарија се борат до смрт во тешки услови, а сето тоа публиката го гледа на телевизија.

Мрежата CW најави ново реално шоу во стилот на „Игрите на гладните“.

„Мислите дека го имате она што е потребно да преживеете во пар во дивината? Пријавете се“, се наведува во повикот за кастинг.

Натпреварувањето ќе опфати 12 парови, кои ќе бидат „и ловци, и плен“, и ќе се борат за храна, алатки и други потреби во тешки услови. Се разбира, за разлика од „Игрите на гладните“, нема да се убиваат кога ќе налетат едни на други.

Најавеното реално шоу предизвика бурни реакции, затоа што романот „Игрите на гладните“ е напишан како ироничен „одговор“ на сметка на реалните емисии, но и затоа што во натпреварувачите ќе се „разбудат нездрави инстинкти“.