Американската компанија Apple вчера соопшти дека е изведен хакерски напад на нивниот компјутерски систем, но дека не се украдени никакви податоци.

Apple, создавачот на популарните уреди како iPhone, iPad, iPad и Mac OS компјутерите, наведе дека соработува со полицијата за да се откријат хакерите, кои, како што се чини, стојат зад ова и уште низа неодамна изведени напади на американски технолошки фирми.

Вирусот е раширен преку еден веб-сајт за софтвер, а во рамки на компанијата Apple заразени се мал број компјутери кои се изолирани од мрежата.

„Нема назнаки дека се украдени било какви податоци“, се истакнува во соопштението.