Уставниот суд во Германија денеска донел одлука со која се прошируваат прават на геј паровите за посвојување на деца.

Според таа одлука на судот, еден член на истополовата заедница може да го посвои биолошкото или посвоенето дете на другиот партнер. До сега праксата беше дека може да се посвои само биолошкото дете на партнерот.

Судот му наложи на парламентот до јуни да изработи нацрт на новиот закон и оцени дека оневозможувањето на партнерот да го посвои посвоеното дете на другиот партнер не е по Уставот.

Членот на опозиционата странка на Зелените, Фолкер Бек, ја поздрави таа одлука како „пробој во еднаквиот третман“ на геј паровите.

Германија од 2001 година им дозволува на истополовите парови да склопуваат граѓанска заедница која во вистинска смисла заостанува зад формалните брачни заедници. На истополовите парови не им е дозволено да посвојуваат небиолошки деца.