Врховниот суд на Белорусија соопшти дека еден припадник на пограничните сили осуден е на две години затвор поради тоа што несовесно ја извршувал својата должност.

Во соопштението се истакнува дека обвинетитот, чиј идентитет и чин не се наведени, не пријавил незаконско влегување во ваздушниот простор на Белорусија со еден мал авион, од кој се исфрлени повеќе стотина плишени мечиња со падобрани.

Проблемот бил што на мечињата имало порака за неопходноста за почитување на човечките права во Белорусија.

Поради инцидентот, кој се случил на 4 јули минатата година, претседателот на Белорусија, Александар Лукашенко, сменил неколку високи воени официри, задолжени за контролата на воздушниот простор.

Двајца вработени во една шведска маркетиншка агенција имале доволно храброст со мал авион да влезат неколку километри во воздушниот простор на Белорусија, за да ги поддржат активистите на здруженијата за човечки права.

Ниту една војна и цивилна надлежна служба тоа не го регистрирала на време, а осудениот се обидел да го прикрие тоа.