Бројот на супер богаташите се зголемил за 11 само од почетокот на 2013-та, а првите пет поседуваат вкупно 67 милијарди долари...

Во Русија криза нема. Или барем не за најбогатите луѓе кои продолжуваат да се збогатуваат, достигнувајќи 131 милијардери во 2013 година. Само за месец и половина од почетокот на 2013 година клубот на "милијардери" се здобил со нови 11 членови. Во 2012 година руските милијардери биле 120, а во 2011 - 114. Најмалку биле во 2009 година, една година по избувнувањето на светската криза - "само" 49 лица. Во бурната 2008 година, пред кризата да го погоди светот, бројот на милијардери во Русија бил 101.

Најбогатиот човек во Русија моментално е сопственик на "Металоинвест" Алишер Усманов со богатство од 18,72 милијарди долари. Втор по богатство со 17,3 милијарди е Владимир Лисин, директор на НМЛК, а трет - сопственикот на "Ренова" Виктор Векселберг со 15,94 милијарди првите петмина ги надополнуваат Михаил Фридман ("Алфа Груп", 15,32 милијарди) и поранешниот претседателски кандидат Михаил Прохоров со 15,25 милијарди долари.

Во топ 10 се Алексеј Мордашов, Леонид Михелсон, Олег Дерипаска, Владимир Потанин и шефот на "Лукоил" Вагит Алекперов.