Судот во Судан обвинил седум мажи на смрт со бесење поради тоа што дрогирале и силувале четиринаесет годишно девојче, изјави денеска бранителот на жртвата.

Шестмината малолетници кои исто така учествувале во силувањето на девојчето во градот Омдурман, осудени се на по 10 години во поправен дом, пресудил судијата Ахмед Халил Албахар, кажа бранителот Салма Мухамедахмед Хамед.

„Судијата ги прогласи за виновни врз основа на доказите за силувањето на девојчето“, кажа адвокатот за AFP.

Злосторството се случило во мај минатата година кога силувачите го киднапирале девојчето од нејзината куќа.

„И дале чашка сок во кој сипале дрога, а потоа ја силувале“, раскажа Хамед.

Тој додаде дека девојчето е лечено во центарот за жртви на силување и дека после тоа се вратила на училиште.