Еден сопственик на тибетански мастиф во Пекинг останал без своето домашно милениче кое умрело за време на естетска хирургија за затегнување на кожата.

Кинескиот одгледувач на тибетански мастифи, многу популарна раса во таа земја, сакал да го разубави својот домашен миленик пред да го понуди на женките од истата раса за парење. Го однел на естетска операција за затегнување на кожата, но кучето умрело на операционата маса.

„Доколку моето куче би изгледало подобро, сопственичките на женките би платиле повисока цена за парење“, рече Ју, сопственик на тибетанскиот мастиф.

Кучето починало затоа што негвото срце не можело да ја издржи анастезијата, а Ју поради тоа ја тужел болницата.

„Изгубив и куче и 160 долари, колку што ја платив операцијата“, се жали Ју.