Од познатата московска психијатриска клиничка болница „Ганушкина“ три вооружени мажи ја киднапирале пациентката Ана Павленкова (32).

Во вторник вечер тројца вооружени мажи ја киднапирале пациентката (32) од познатата московска психијатриска клиничка болница „Ганушкина“.

Се било како во некој гангстерски филм. За време на посета на болните, младичите дошле во женското одделение, побарале да ја видат Ана Павленкова и кога таа се појавила еден од мажите ја зел во прегратки и сите почнале да бегаат кон излезот. Морале да поминат низ добро чувана портирница, каде што ги нападнале болничките чувари и дури пукале во воздух.

Од оградениот болнички простор веќе ги чекал автомобил „нисан“. Побегнале пред да дојде полицијата.

Сега се знае дека еден од киднаперите е Антон Бутурин (26) кој планирал да се ожени со Ана Павленкова која пред неколку дена родителите ја довеле во психијатриска болница затоа што чудно се однесувала.

Московските Ромео и Јулија сега повторно се заедно, но со полицијата зад врат. Тешко е да се верува дека засекогаш ќе останат скриенизатоа што потрагата има се за нив, од податоци до фотографии.

Против киднаперите веќе е покрената кривична постапка за „хулиганство“. Антон и Ана долго ќе ја чекаат својата јавна свадба затоа што прво ќе мораат да одговараат пред судот.