Докторите во Англија усепале да му го спасат животот на новородено бебе така што му ја намалиле телесната температура и во таа состојба го држеле 4 дена...

Малиот Едвард Ивс е роден со само 5% веројатност за преживување, поради пореметување кое се нарекува "супервентикуларна тахикардија" (СВТ) и кое предизвикува премногу брза работа на срцето која може да биде смртоносна. Меѓутоа благодарение на пионирската медицинска техника со која лекарите на Универзитетската болници во Лондон на малиот Едвард му ја намалиле температурата за 4 стапени Целзиусови, малото бебе преживеало.

Кога Едвард се родил во август минатата година неговото срце чукало со брзина од 300 отчукувања во минута, двојно повеќе од вообичаеното. Тогаш лекарите го завиткале во ќебе кое било потопено во ладен гел и му ја спуштиле температурата од 37 на 33.3 степени, го забавиле неговиот метаболизам и спречиле оштетување на мозокот и откажување на виталните органи.

По 2 дена се обиделе полека да му ја покачат температурта, но неговото срце повторно почнало да чука невообичаено и бргу го "замрзнале" на додатни 2 дена. Во текот на оваа постапка малото бебе 5 пати примало електрошокови поради потенцијален ризик од престанок на работата на срцето. Четвртиот ден срцето почнало да чука во приближно нормален ритам и да се приближува кон сигурната зона.

"Се што во тој момент сакав да направам е да го зграпчам во топла прегратка. Цело време во себе морав да повоторувам дека тоа е неопходно за да му го спасат животот. Во моментот кога неговото срце почна нормално да чука, се тргна на добро", рекла неговата мајка Клер. Денес малиот Едвард е среќно и здраво шест месечно бебе.