Лекарите во Турција ја опишале состојбата на мажот кој станал зависен од пиење човечка крв како "вампиризам"...

Ова чудна зависност на 23-годишното момче започнала со сечење на своите раце, гради и стомак со жилети и собирање на крвта во чаша за да може потоа да ја пие, пренесува "Daily Mail". Набргу станал зависен па морал да побара и други извори за својата "дрога", а тврди дека крвта му била потребна "колку и дишењето".

Успеал дури да го наговори сопствениот татко да му достави крв, а тој и сам бил фатен неколку пати откако претепал и изгризал жртви за да ја пие нивната крв.

Со сето тоа има развиено и повеќе растројства на личноста и пати од амнезија, а во официјалниот извештај стои: "Постои можност во моментот на "крвните" зафати да биде префрлен во состојба на друга личност и при тоа да не му биде важно која е неговата жртва каде што потоа воопшто не би се сеќавал што направил".

Лекарите тврдат дека неговото однесување предизивкало низа трауматски искуства низ кои поминал во животот па му е дијагностицирано дисоцијативно пореметување, пострауматско стрес растројство, хронична депресија и алкохолизам. Исто така, појасниле дека тоа е прв случај на вампиризам за кој некогаш слушнале.