Британецот Рис Елиот (24) вчера е приведен затоа што на социјалната мрежа Facebook се заканил дека во американската држава Тенеси ќе убие 200 луѓе, поради што многу деца не отишле на училиште, соопштија властите.

Поради заканувачките коментари на Елиот на Facebook, околу 2.900 деца во Тенеси не отишле на училиште.

Елиот не вложил жалба за време на 30 минутното сослушување и одреден му е притвор.

Заканата за напад со огнено оружје поставена е анонимно, на интернет страница отворена во знак на сеќавање на еден студент од Тенеси, кој умрел во октомври.

Бидејќи заканувачката порака е поставена на Facebook, припадници на полицијата распоредени се по училиштата во местот Мек Минвил во Тенеси, но поголем број од учениците сепак изостанувале од часовите.

Исто така, директорите на училиштата проверувале кој влегува во училишните згради.