Швајцарските произведувачи на чоколадо минатата година почувствувале горко-сладок вкус во устите, затоа што силниот франк го стопил апетитот за нивните производи.

Осумнаесет швајцарски произведувачи на чоколадо, вклучувајќи ги и брендовите какви што се Линдт, Фреј и Фавергер, минатата година продале за околу 4.000 тони помалку отколку во 2011 година.

„Преценетата вредност на вранкот влијаеше на тоа швајцарските чоколадни производи да бидат далеку поскапи во странство, а увозното чоколадо поевтино“, наведено е во соопштението на швајцарското Здружение на произведувачи на чоколадо, Чокосвис.

Вкупната продажба на чоколадо во 2012 паднала за 2,2%, на 172.376 тона, додека нивната заработувачка е намалена за 3,4%, на 1,6 милијарди франака (1,3 милијарди евра).

Повеќе од 60% од швајцарските чоколада одат во извоз, а продажбата во странство посебно паднала, додава Чокосвис.

Извозот е намален за 2,9%, на 103.897 тони, додека силниот франк и целокупното успорување на глобалната економија ја намалило продажбата во странство за 7,3%, на 760 милиони франака.