Кинеска студентка ја избегна смртта на пругата благодарение на чиста среќа. Се сликала на пругата кога возот наишол.

Постојат многу побезбедни места на кои можете да направите фотосесија од онаа кое го избрала 20 годишната кинеска студентка Чао Ли.

Таа ја замолила пријателката Чао Чинг да ја фотографира додека седи на пругата во Шаодонг во јужниот дел од Кина. Изненадно наишол воз кој одел 120 километри на час. Се обидела да стане, но ногата и се заглавила на пругата, но, за среќа, возот само ја закачил и таа излетала на страна.

За чудо, поминала само со моднинки!

„Однеднаш нешто ме удри и јас летнав на страна. Машиновозачот го запре возот, мислејќи дека ме прегазил. Не сфатив дека е толку блиску. Рамото ми е удрено, но имав среќа што останав жива. Веројатно следниот пат ќе се фотографирам во затворен простор“, рече оваа среќничка.