Една деветнаесет годишна девојка од јужногерманскиот град Аугсбург се запрепастила кога локалната агенција за вработување и „нашла работа“.

Младата Германка изјавила дека била згрозена кога го прочитала писмото со кое агенцијата и соопштува дека и нашла работа како келнерка во јавната куќа „Колосеум“.

„Барав пристојна работа на помошничка, а не да работам во јавна куќа“, изјави налутената девојка за еден весник.

„Бев шокирана кога го прочитав писмото од агенцијата“, додаде таа.

Претставникот на агенцијата за вработување во Аугсбург изјави дека во овој случај е направена грешка и дека требало директно да разговараат со девојката за да видат дали е заинтересирана за работата, наместо да и праќаат писмо.