Снежното невреме ја парализираше Америка. Во текот на денот се очекуваат од 30 до 60 нови сантиметри снег. Вонредна состојба е прогласена во пет држави: Масачусетс, Роуд Ајленд, Њујорк, Конектикат и Мејн. Откажани се илјада летови, а стотина илјади домаќинства останаа без струја...
CNN јавува дека околу 530.000 домаќинства во девет североисточни држви останале без струја. Преку 300.000 од нив се во Масачусетс. Полицијата од Њујорк соопшти дека една личност загина во сообраќајна несреќа предизвикана од временските услови.
Њујорк подготви 200 илјади тони сол, а градоначалникот на Бостон, каде денес се предвидува до 60 сантиметри снег, ги повикал граѓаните да работат од дома, да не одат со автомобили и да им помогнат на соседите кои се стари и немоќни.
И во Масачусетс е забрането учеството во сообраќајот, а граѓаните се молат да останат во своите домови. Повеќето од нив уште вчера си набавија залихи на храна. Метеоролозите прдвидуваат дека ова ќе биде една од најголеми снежни бури, незапаметени во новата американска историја.
