Американската национална организација на извидувачи (Boy Scouts of America) одлучи да го одложи гласањето за евентуалното повлекување на забраната за членство на гејови.

Ваква одлука донеле по барањето на повеќе религиозни групи да се почека со гласањето, затоа што потребна е додатна расправа во врска со тоа прашање, пренесуваат американските медиуми.

Управата на организацијата на извидувачите би требало да се изјасни во мај на редовниот годишен собир.

Се проценува дека претставници на разни верски групи сочинуваат околу 70% од извидувачите.

Минатото лето водството на извидувачката организација ја потврди поранешната одлука за забрана на пристапот за геј личности, нарекувајќи го тоа апсолутно најдобра политика.

Извидувачите сега се под притисок на геј активистите, кои преку интернет собрале повеќе од милион потписи за укинување на таа забрана.

Двајца важни членови на управата на извидувачите, директорите не компанијата Ернс и Јанг Џејмс Тарли и директорот на AT&T Раднал Стивенсон ветиле дека внатре во организацијата ќе работат на тоа истата да биде поотворена кон геј популацијата.