Конзервативни татко, мајка и брат на една млада Италијанка не можеле да поднесат што ја нашле во кревет со дечко, па младичот го фрлиле преку прозорец.

Како што пренесуваат италијанските медиуми, случајот се случил во Кротонеа, град во југот на Италија.

Враќајќи се порано дома, Франческо Јорно (70), неговата сопруга Елена (55) и синот Ефраим (25) ја затекнале девојката во кревет со својот дечко.

Младичот прво добил ќотек, а потоа таткото, со помош на синот, полугол го фрлил низ прозорецот од станот на првиот кат.

Повредениот младич, кој паднал од пет метри висина, успеал да им побегне и да отиде до најблиската болница каде што лекарите ја презеле грижата за него. Добил фрактури на двата рачни зглоба, повеќе гребнатинки, а скршени му се и неколку заби.

Неговата девојка веднаш ја повикала полицијата и ги пријавила своите родители и брат и.

Таткото и синот се уапсени и обвинети за обид за убиство, додека мајката се терети за нанесување на тешки телесни повреди.