Ако ги сакавте авантурите на откачената девојка од Лондон, пристигнува следната книга.

Авторката Хелен Филдинг денеска соопшти дека третата авантура на Бриџит Џоунс ќе пристигне во книжарите во ноември оваа година.

Филдинг не го откри насловот на книгата, ниту било какво најавување за дејството, но кажа дека сега ќе видиме позрела Бриџит.

„Јас сум во вториот животен период, како и таа. Ќе видите позрело дејствие сместено во модерен роденден“, кажа писателката.

Првата книга, „Дневникот на Бриџит Џоунс“, објавена е во 1996 година, а вториот дел, „Бриџит Џоунс: На работ на разумот“ излезе три години подоцна. Продадени се во повеќе од 15 милиони примероци, во 40 земји во светот.

Книгите успешно се адаптирани за големото платно, а во филмовите главните улоги ги играа Рене Зелвагер, Хју Грант и Колин Фирт. Во план е и трета адаптација, „Бебето на Бриџит Џоунс“ која не е базирана на ниту една книга.