Дресерот на еден мексикански циркус починал откако бенгалски тигар го растргнал среде настапот пред публиката.

Случајот се случил во сабота вечер за време на претставата на циркусот Суарез во главниот град Мексико Сити.

Од засега необјаснети причини, бесното животно скокнало на тренерот Алекандре Криспин (35), го соборил на земјата и го гризнал за вратот.

Иако останатите членови на циркусот брзо реагирале и успеале да го ослободат, несреќниот дресер починал неколку минути подоцна во болницата.

Шокираната публика веднаш е евакуирана од шаторот, а тигарот најверојатно го убил еден од колегитие на Криспин.