Во екот на полемиките за контрола на вооружувањето во САД, посебно по масакарот во училиштето во Конектикат, Белата куќа објави фотографија од претседателот на САД како пука од пушка.

Тоа е одговор на оние кои во јавноста тврдеа дека Барак Обама никогаш не пукал од огнено оружје.

Фотографијата е направена на 4 август во Кемп Дејвид, а на неа се гледа како претседателот на САД пука во глинени гулаби.

Обама минатиот месец предложи сериозни мерки со кои би се контролирало вооружувањето, вклучувајќи забрана за поседување на полуавтоматски пушти и подетална проверка на купувачите на оружје.

Тој ги повикал и сите љубители на оружје, а посебно ловците кои негуваат традиција со генерации, да бидат подемократнични во дебатата за овој проблем.