Жените во Париз конечно можат да носат панталони - укината е официјалната забрана која беше на сила 200 години...

"Забраната која стапи на сила 17 ноемрви 1800 година, не може да се спои со модерните француски сфаќања и закони", рекла француската министерка за женски права Нажа Валу Белкасем.

Така сега и париските дами можат да носaт панталони без страв и кривични тужби и без специјални дозоволи кои, како што налагаше стариот Закон, мораше да ги бараат од полицијата доколку сакаaт да се "облечат како машко".

Тој закон е изменет во два наврати, 1892 и 1909 година, а на жените им беше дозволено да носат панталони само ако возат велосипед или јаваат коњ.

"Целта на строгиот Закон беше на жените да им се ограничи пристапот до одредени работи со кои се занимаваа исклучиво мажите. Со самото тоа, таа одредба е неспоива со принципот на еднаквост на мажите и жените кои се наведени во Уставот. Од таа неспоивост потекнува имплицитното укинување на уредбата", рекла министерката за женски права.

Значи, драги дами, ако овие денови се пакувате да заминете за Париз, слободно ставете си и панталони.