Францускиот парламент го усвоил клучниот член од спорниот предлог на законот со кој ќе биде овозможена легализацијата на хомосексуалните бракови.

За тој член на законот гласале 249 пратеници, додека 97 биле против. Со тој член се брише во законот одредбата дека бракот мора да биде склопен меѓу двајца луѓе од различен пол, со што се отвара можноста за легализација на геј браковите.

За овој член да биде правосилен мора да го одобри и Сенатот, горниот дом на парламентот. Се очекува дека тоа и ќе се случи, со оглед на тоа што измената ја поддржал претседателот на државата, Франсоа Оланд.

Парламентарната дебата би требало да биде завршена до 12 февруари.