Благодарение на случајност и со мала „помош“ на еден крадец, француската полиција вчера успеала да уапси еден од главните корзикански гангстери.

Само неколку минути откако 40 годишниот мафијаш, познат под прекарот Рашид Корзиканец, го паркирал автомобилот недалеку од Елисејската плата, полицијата уапсила краец во обид да го украде скапоцениот автомобил.

Тоа што на прв поглед изгледало како обично кривично дело се претворило во првокласно апсење кога полицајците во возилото откриле неколку парчиња оружје.

Кај сопственикот на автомобилот, кој набргу се појавил, полицијата нашла уште едно оружје, а претресот на неговиот стан во Париз довел до откритие на целосен арсенал.

Рашид и неговиот соработник, сопственик на корзикански вински бар на Елисејските полиња, се задржани во притвор.

Обвинителот бара против нив да биде подигнато обвинение за поседување на оружје и експлозиви и членство во организирана криминална банда.