Руската полиција уапсила Колумбиец на московскиот аеродром, кој тврдел дека е католички свештеник, а всушност се обидувал да прошверцува 780 грама кокаин - добар дел од истиот во сопствениот стомак.

Како што се наведува во соопштението на федералната Служба за борба против наркотиците, човекот облечен како свештеник е лишен од слобода на аеродромот Шерметјево, затоа што делувал болно и нервозно.

Кога е одведен во болница, воспоставено е дека во стомакот има 13 пакетчиња со кокаин, а уште пет му се пронајдени во багажот.

Во соопштението не се прецизира што е искористено за пакување на кокаинот, но државната телевизија со своите снимки укажува дека се работи за - кондоми. Портпаролката на Федералната служба кажа дека лажниот свештеник е уапсен на 23 јануари и дека се уште се наоѓа во притвор.

Личните документи го опишувале како свештеник кој служи во конгрегацијата во Богота.