Иако никогаш не се сретнале, Жером и Ален Марсел официјално се венчани уште од 1993 година. Во својата репортажа телевизијата "Frans 3" наведува дека првиот геј брак во Франција е склопоен уште во 1993 година кога службеникот на општината Клермон Феран, во централна Франција, случајно го склучил бракот помеѓу Жером и Ален Марсел...

Првите три години, тие двајца не знаеле дека се во брак. Дури не се ни познавале. Дека веќе не е ерген, туку во брак, и тоа хомусексуален, прв дознал Жером кога во 1996 дошол во општината по извод од матичната книга на родени.

"На докуметот пишуваше дека сум венчана сопруга на извесен господин. Барав да се поништи непостоечкиот брак, бракот на двајца мажи кој не е легален во Франција", раскажал Жером за "Frans 3".

Проблемот е во тоа што не е можно да се поништи нешто што не постои. Жером добил потврда дека бракот му е поништен, но во стварноста грешката е исправена само во книгата на родени. Тој сеуште добива покани за на избори со напомена "сопруга".

"Секогаш ќе бидам сопруга на господин Ален Марсел. Кога добивам покана да одам на гласање и ја видам таа напомена секогаш слатко се насмевнувам. Јас сум навистина првиот геј сопружник во Франција", заклучил тој.