Рускиот претседател Владимир Путин наводно веќе добил второ дете со поранешната гимнастичарка Алина Кабајева.

Алина (29) во ноември роди девојче, пишува New York Post и додава дека веќе имаат тригодишен син.

Руските медиуми со ниту еден збор не дадоа до знаење дека се работи за дете на Путин, додека во овој американски весник велат дека информациите ги добиле од доверливи извори.

Руските медуми изгледа ја научија лекцијата уште во 2008 година. Тогаш списанието „Московски кореспондент“ ја објави приказната за веридбата на Путин со Кабајева, но приказната набргу беше повлечена, а сопственикот на весникот целосно го укина истиот.

Инаку, сопругата на Путин, Људмила, во јавноста не е видена уште од претседателската инаугурација на пролет.

Постојат информации дека Путин Алина и нивните две деца ги пратил во една резиденција надвор од Москва, а дека Људмила е „заклучена“ во куќа на границата со Естонија.