Доделувањето на престижните награди оваа година ќе биде одржано во амстердамската арена Ziggo Dome во недела, на 10 ноември.

MTV објави дека Амстердам, славната културна престолнина на Холандија, ќе биде домаќин на доделувањето на MTV EMA наградите за најдобри достигнувања во текот на годината на музичката сцена ширум светот и во сите музички жанрови.

„Ќе се потрудиме овогодишното доделување да ги донесе најголемите имиња и музичката екстраваганца и истовремено да го покажеме холандскиот шарм и ентузијазам на гредачите од сите делови на светот.“

Заменикот градоначалник на Амстердам, Каролин Џерелс, вели дека се почестени што овој град е избран да биде гостин на светските ѕвезди.

„Ова се одлични вести за Амстердам од повеќе причини. Доделувањето ќе биде незаборавно случување за сите млади луѓе од овој град, ќе се создадат нови работни прилики во овие тешки економски времиња и ќе го претстават Амстердам во најдобро светло на цел свет. Ова е фантастично случување во идеален момент.“

Овогодинешното доделување на MTV EMA наградите ќе го пренесува MTV мрежата која има повеќе од 60 канали и околу 200 дигитални медиуми, со што ќе бидат „покриени“ околу 700 милиони луѓе ширум светот, а од првото доделување во 1994 година, MTV EMA наградите стекнаа репутација на едни од најголемите светски свечености.