Најмалку осум тела во недела се извадени од бунар во северниот дел на Мексико, близу до местот каде 20 луѓе исчезнаа кон крајот на минатата седмица, вклучувајќи ги и членовите на бендот кој свирел колумбијска музика, објави државниот форензичар.

Форензичарот наведе дека бројот на тела би можел да се зголеми, затоа што доцна во неделата навечер извлекувањето на телата од бунарот близу градот Монтреј уште не било завршено.

Меѓутоа, тој барал да зборува анонимно, затоа што не му е дозволено да разговара за случајот.

Претставникот не можел да потврди дали тие тела припаѓаат на членовите на бендот „Комбо Коломбија“ чие исчезнување е пријавено рано во петокот, по приватниот настап доцна во четврток во еден од баровите.

Властите трагале два дена, се додека во недела попладне не дошле до бунарот.