Иран испрати мајмун во капсула во вселената и го  врати жива и здрав по приземјувањето, објави иранската телевизија Ал Алам, повикувајќи се на соопштението на министерството за одбрана...

"Иран успешно ја истрела капсулата, наречена Пишгам (Пионер), со мајмун на 120 километри надморска височина и си врати без штета", соопшти телевизијата, повикувајќи се на Организацијата за вселенска индустрија во Министерството за одбрана.

Техеран соопшти во средината на јануари за својот проект да испрати мајмун во вселената на почетокот на февруари, во рамките на прославата по повод 34-годишнината од победата на исламската револуција во 1979 година. Проектот беше претставен како прв чекор пред испраќањето на човек во вселената по пет до осум години.

Планот предвидуваше испраќање на мајмун на 120 километри надморска височина за суборбитален лет од околу 20 минути на работ на капсула со тежина 285 кг, истрелана од ракета Кавошгар-5. Иран веќе истрела три сателити во вселената од 2009 година, како и капсула со стаорец, желки и инсекти во февруари 2010 година. Претходниот обид за испраќање на мајмун во вселената пропадна во 2011 година. Властите во Техеран тогаш не ги наведоа причините за неговото пропаѓање.