Индиските власти уапсиле жена која ја продала својата ќерка за 9000 евра, а уапсен е и парот кој го купил 11-годишното девојче со намера да го продаде...

Мајка и татко си ја продале својата ќерка пред месец дена но полицијата дознала дури кога девојчето побегнало од своите купувачи. Имено, според зборовите на девојчето мајката ја продала затоа што немала пари да ја плати казната за кршење на обичаите.

Девојчето пред некое време го омажиле и обичај е младоженецот да ја купи младата, но поради непознати причини мајката на девојчето го поништила тој брак.

Кога немала пари да ја плати казната од речиси 9 000 евра, која судот и ја одредил, таа одлучила да ја продаде својата ќерка.

Според зборовите на жртвата, парот кој ја купил веднаш почнал да ја малтретира, но и да планира да ја препродаде во Мумбаи, така што исплашеното девојче одлучило да побегне. Во помош и се нашле некои гости во еден ресторан кои забележале дека девојчето бега од двајца луѓе и повикале полиција.

Мајката и купувачите се уапсени и против нив ќе биде покрената тужба поради трговија со луѓе.