Најмалку 15.000 крокодили од фарма во Јужноафриканската Република се нашле на слобода, по силните дождови и поплави.

Според пишувањето на еден локален весник, крокодилот од фармата „Раквена“ на крајниот север на таа земја се нашле на слобода откако сопствениците поради насобраната вода биле приморани да ги отворат портите.

Голем број на крокодили е фатен, но уште најмалку половина од нив се на слобода. Еден од крокодилите е фатен на игралиште за рагби, оддалечено околу 120 километри од фармата.

Јужноафриканската провинција Лимпопо ја зафатиле силни поплави во кои загинале десет личности, додека голем број останале без покрив над главата.

Поплавите го зафатиле и соседниот Мозамбик, каде неколку десетина илјади луѓе се евакуирани.