Еден 33 годишен чувар од Trinidad и Tobagо, неодамна доживеал несекојдневна "повреда при работа". Имено, неименуваниот чувар во џебот држел пиштол со калибар 38 кој случајно пукнал додека несреќникот седел во автомобилот...
Полицијата примила повик за пукање на паркинг, за на местото на несреќата да го пронајдат чуварот кој крварел од делот кај препоните. Потоа, одведен е во болницата San Fernando General, но на неговите маки ни овде не им бил крајот, пренесува Trinidad and Tobago Guardian.
Како што полицијата дознала подоцна, 33-годишниот човек немал дозвола за носење оружје, па против него ќе биде покрената и тужба за нелегално поседување на оружје и муниција. Инаку "случајно пукање во пенис" не е толку ретка појава. Минатата година такви случаи биле пријавени во Флорида, Аризона и Вашингтон.
