Камион со 27 тони норвешки кафеав кашкавал, бруноста, се запалил во тунелот кај Нарвик на север од Норвешка, а товарот горел шест дена блокирајќи го сообраќајот.

„Високата концентрација на масти и шеќер во кашкавалот е како бензин ако многу се подигне температурата“, кажа полицаецот Виго Берг.

Тој нагласи дека во несреќата немало повредени и дека страдал само камионот кој го превезувал кашкавалот.

Пожарот, за среќа, избил додека возилото било блиску до еден од излезите од тунелот.

„Не знаев дека кашкавалот гори така“, рече претставник на новрешката државна управа за патишта, Кел Бјорн кој вели дека тоа е прв пат во неговата 15 годишна кариера на пат да се запали товар кашкавал.