Индија забрани користење на сурогат мајки во иднина за хомосексуалните парови или поединци од странство, објави индијското Министерство за внатрешни работи на својот портал.

Користењето на сурогат мајки за геј парови или поединци од странство во последните години земало голем замав во оваа земја, пренесуваат француските медиуми.

Новите правила предвидуваат дека паровите од странство кои сакаат да користат сурогат мајки од Индија ќе мораат да бидат хетеросексуални и во брак барем две години.

Паровите ќе мораат освен туристичка виза да добијат и здравствена виза, наведува Министерството.

Бројот на Индијки кои досега имале улога на сурогат мајки не е познат, но извесно е дека недостатокот на правна реглулатива во оваа област ја поттикнал економијата за „изнајмување на матка“ и ја олеснувал експлоатацијата на најсиромашните жени во Индија.