Властите на американската сојузна држава Ново Мексико соопштија дека во една куќа 15 годишен тинејџер со огнено оружје убил двајца возрасни и три деца.

Портпаролот на шерифот на округот Берналиљо, Ерон Вилијамс, вчера изјави дека не се познати мотивите на убиецот ниту неговата поврзасност со жртвите.

Убиени се маж, жена, две девојчиња и едно момче.

Малолетниот убиец е уапсен и ќе биде обвинет за убиство и злоставување на деца со смртни последици, кажа Вилијамс.

Инспекторите се обидуваат да утврдат кој бил сопственик на неколкуте парчиња оружје кои се пронајдени во домот во кој е извршено убиството, вклучувајќи и полуавтоматска пушка.