Поради невниманието и негрижата во спречување на децата да дојдат до порнографски содржини, Playboy мора да плати казна од 121.000 евра.

Сајтовите на американскиот Playboy овозможуваат пристап до видео снимки и фотографии без одговарачка контрола дали ги гледаат личности постари од 18 години, што британската агенција за контрола на медиумите Offcom го наведе како главна причина за казна.

„Playboy не ги заштитил децата од потенцијален пристап на овие сајтови, што е сериозен пропуст и невнимание кое се повторува веќе повеќе пати.“

Сајтот Demand Adult, кој е дел од компанијата Playboy, објавува порнографија на која може да и се пристапи со едноставно кликнување на копчето ENTER - I am over 18 (ВЛЕЗИ - Имам над 18 години), додека Playboy TV го користел истиот принцип за пристап кон помалку експлицитна содржина, но тоа не е доволно.

Корисниците на двата сајта за пристап можат да користат платежни картички, кои можат да ги набават Британци постари од 11 години, а Offcom наведува дека ни еден од начините на пристап нема контрола колку години всушност има корисникот и поради тоа Playboy е казнет и му е советувано да го промени начинот на пристап на содржина за возрасни.