Стотици овци низ цела Велика Бртанија биле "украсени" со чудни насмевки, пишува "Daily Mail". Специфичните насмевки на крзното на животните предизвикаа дебати во социјалните мрежи...

Многу луѓе ги споделија фотографиите со чудните насмевки на Твитер. Некои дури претпоставуваат дека во историјата со таинствениот симболи се вмешани "натприродни сили" и "НЛО".

"Ова е како житните кругови, но на овци", го споделиле своето мислење збунетите фармери.

Симболите биле нацртани од двете страни на произволно избрани животни во секоја од засегнатите фарми.

"Жигот" е составен од две спирални очи поврзани со насмеана уста.

Повеќе од 100 британски овци досега станале "жртва" на таинствената акција.